Нислэгийн үед тээшний хэмжээ, жингээ тохируулна гэдэг төвөгтэй асуудлуудын нэг. Авиа компани бүр харилцан адилгүй ачаа, тээш зөөвөрлөхийг зөвшөөрдөг тул та нисэх гэж буй авиа компанийнхаа талаар сайтар мэдлэгтэй байх нь чухал юм. Энэ удаагийн нийтлэлээр нислэгийн үед гарч болох эрсдэлээс сэргийлэн авиа компаниудын зөвшөөрөгдөх тээшний хэмжээний талаар танилцуулж байна.
Туркиш Эйрлайнс/Turkish airline/
| Ачааны тоо | Зөвшөөрөгдөх дээд хэмжээ/кг/ | Тээшний хэмжээ /3 талын хэмжээ см-р/ | |
| Үнэгүй тээвэрлэх тээшний хэмжээ | |||
| Бизнес зэрэглэл | 2 ширхэг | 30 кг /тус бүр/ | 158 см |
| Экономик зэрэглэл | 2 ширхэг | 20 кг | 158 см |
| Хүүхэд | 1+1 /хүүхдийн тэрэг, carseat | 23 кг + 23 кг | 158 см |
| Гар тээш | |||
| Бизнес зэрэглэл | 2 ширхэг | 8 кг /тус бүр/ | 55х40х23 |
| Экономик зэрэглэл | 1 ширхэг | 8 кг | 55х40х23 |
| Хүүхэд | 1 ширхэг | 8 кг | 55х40х23 |
Аэрофлот /Aeroflot/
| Ачааны тоо | Зөвшөөрөгдөх дээд хэмжээ/кг/ | Тээшний хэмжээ /3 талын хэмжээ см-р/ | |
| Үнэгүй тээвэрлэх тээшний хэмжээ | |||
| Бизнес зэрэглэл | 2 ширхэг | 32 кг /тус бүр/ | 158 см |
| Comfort зэрэглэл | 2 ширхэг | 23 кг /тус бүр/ | 158 см |
| Класс экономик зэрэглэл | 2 ширхэг | 23 кг /тус бүр/ | 158 см |
| Экономик зэрэглэл | 1 ширхэг | 23 кг | |
| Гар тээш | |||
| Бизнес зэрэглэл | 1 ширхэг | 15 кг | 115 см |
| Comfort зэрэглэл | 1 ширхэг | 10 кг | 115 см |
| Класс экономик зэрэглэл | 1 ширхэг | 10 кг | 115 см |
| Экономик зэрэглэл | 1 ширхэг | 10 кг | |
Монголын иргэний агаарын тээвэр /МИАТ/
| Ачааны тоо | Зөвшөөрөгдөх дээд хэмжээ/кг/ | Тээшний хэмжээ /3 талын хэмжээ см-р/ | |
| Үнэгүй тээвэрлэх тээшний хэмжээ | |||
| Бизнес зэрэглэл | 2 ширхэг | 32 кг /тус бүр/ | 158 см |
| Энгийн зэрэглэл | 1 ширхэг | 23 кг /тус бүр/ | 158 см |
| Нялх хүүхэд | 1 ширхэг | 10 кг | 115 см |
| Гар тээш | |||
| Бизнес зэрэглэл | 1 ширхэг | 10 кг | 115 см |
| Энгийн зэрэглэл | 1 ширхэг | 5 кг | 115 см |
Эйр Чайна /Airchina/
| Ачааны тоо | Зөвшөөрөгдөх дээд хэмжээ/кг/ | Тээшний хэмжээ /3 талын хэмжээ см-р/ | |
| Үнэгүй тээвэрлэх тээшний хэмжээ | |||
| Бизнес зэрэглэл | 2 ширхэг | 32 кг | 158 см |
| First зэрэглэл | 2 ширхэг | 32 кг | 158 см |
| Экономик зэрэглээл | 1 ширхэг | 23 кг | 158 см |
| Гар тээш | |||
| Бизнес зэрэглэл | 2 ширхэг | 8 кг | 115 см |
| First зэрэглэл | 2 ширхэг | 8 кг | 115 см |
| Экономик зэрэглээл | 1 ширхэг | 5 кг | 115 см |
Гар тээш болон үнэгүй тээвэрлэх ачааг зөв боож баглах нь маш чухал юм. Жишээ нь аерофлотоор тээвэрлэх 2 ширхэг тээш тань 60 кг хэдий ч нэг нь 40 кг нөгөө тээш нь 20 кг байхаар багласан бол таны ачааг тээвэрлэхэд асуудал үүсэх эрсдэлтэй. Тиймээс ачаа тээшээ баглахдаа тухай авиа компанийхаа ачаа тус бүрийн зөвшөөрөгдөх жин, тоо ширхэгийг сайтар нягталж байгаарай.
Нислэгийн аюулгүй байдлыг хангах үүднээс зорчигч нь доор дурдсан аюултай барааг бүртгэгдсэн болон бүртгэгдээгүй (гар тээш) хэлбэрээр авч явахыг хориглодог:
Үүнд:
- тэсэрч дэлбэрэх бодис (буудуулдаг салют гм),
- шатамхай шингэн болон шатамхай хатуу бодис (их хэмжээний шүдэнз, асагуур),
- спиртийн төрлийн ундаа (спиртийн хэмжээ 70 процентоос их тохиолдолд).
- шахсан хий (бутаны хий болон спортын зориулалтын хүчилтөрөгч),
- хордуулагч бодис (шавьж устгэгч бодис г м),
- идэмхий бодис,
- цацраг идэвхит бодис,
- их хэмжээгээр соронзлогдсон материал исэлдүүлэгч бодис,
- харшил үзүүлэгч бодис болон хүний эрүүл мэнд, эд хөрөнгө, агаарын хөлгийн аюулгүй байдалд хор хөнөөл учруулах бодисууд орно.
Буу, сэлэм, хутга зэрэг зэвсэг, хурц үзүүртэй зүйлсийг онгоцны бүхээгт авч орохыг хатуу хориглоно.
* 1 зорчигчид 24-70 процентын 5 литр хүртэл спиртийн төрлийн ундаа тээвэрлүүлэхийг зөвшөөрнө. Эмчилгээний болон ариун цэврийн гэх мэт бусад зүйлийг бага хэмжээгээр авч явахыг зөвшөөрнө.
